کلام الامام امام الکلام سیدی اعلی حضرت قدس نے اپنے آقا حضور سید ابرار شہنشاہ ذی وقار ﷺ کی شانِ اقدس میں نعت پاک چمک تجھ سے پاتے ہیں تحریر کیے ہیں۔

چمک تجھ سے پاتے ہیں 

  نبئ رحمت باعث تخلیق کائنات ﷺ نے ارشاد فرمایا اللہ تعالیٰ نے سب سے پہلے اپنے نور سے میرے نور یعنی نور محمد ﷺ کو پیدا فرمایا اور اسی نور محمد ﷺ سے پوری کائنات کو زندگی ملی۔

 

اسی کو امام اہل سنت امام احمد رضا خان فاضل بریلوی علیہ الرحمہ کس خوب صورتی کے ساتھ اپنی عقیدت کا اظہار کرتے ہیں۔ چمک تجھ سے پاتے ہیں سب پانے والے۔ پورا کلام پڑھیں اور دعاؤں میں یاد رکھیں 

چمک تجھ سے پاتے ہیں سب پانے والے 

میرا دل بھی چمکا دے چمکانے والے

 

برستا نہیں دیکھ کر ابر رحمت

بدوں پر بھی برسا دے برسانے والے

 

مدینے کے خطے خدا تجھ کو  رکھے

غریبوں فقیروں کو ٹھہرانے والے

 

تو زندہ ہے واللہ تو زندہ  ہے واللہ

مرے چشم عالم سے چھپ جانے والے

 

میں مجرم ہوں آقا مجھے ساتھ لے لو

کہ رستے میں ہے جا بجا تھانے والے

 

حرم کی زمیں اور قدم رکھ کے چلنا

ارے سر کا موقع ہے اوجانے والے

 

چل اٹھ جبہ فرسَا ہو ساقی کے در پر

درِ جُود اے میرے مستانے والے 

 

تیرا کھائیں تیرے غلاموں سے الجھیں

ہیں منکر عجب کھانے غرانے والے

 

رہے گا یوں ہی ان کا چرچا رہے گا 

پڑے خاک ہو جائیں جل جانے والے

 

اب آئی شفاعت کی ساعت اب آئی

ذراچین لے میرے گھبرانے والے

 

 

 ہمارے لیے آئیڈیل کون 

 ناموس رسالت ﷺ کا تحفظ لازم ہے